Бацькі б’юць трывогу праз гульню «Чырвоныя дзверы, жоўтыя дзверы», якая завірусілася сярод школьнікаў. Падчас яе падлеткі нібыта западаюць у транс і ловяць галюцынацыі, піша тэлеграм-канал SHOT.
@_kseniya147 #желтаядверь #краснаядверь #иградвери #korea #рекомендации ♬ оригинальный звук — кимка♡゙
Падчас гульні «аб'ект» ляжыць на каленях у «правадніка» з заплюшчанымі вачыма і паднятымі рукамі. У гэты час «праваднік» масажуе скроні гульцу і вядзе з ім дыялог, задаючы пытанні — напрыклад, якія дзверы бачыць гулец, які перад ім калідор і ці бачыць ён чорнага чалавека.
У нейкі момант гулец мусіць запасці ў транс і адказваць на пытанні «правадніка» далей. Калі гулец перастае размаўляць, яго трэба пабудзіць, каб яму не стала кепска. Паводле школьнікаў, гульня скіраваная на ўнутраны гіпноз, расслабленне і самааналіз.
Бацькі хвалююцца за стан дзяцей і параўноўваюць эфект ад гульні з наркатычным ап’яненнем. Дактары таксама папярэджваюць, што такія гульні небяспечныя для дзіцяці, асабліва калі яна пакутуе на псіхічны разлад. Праз моцны масаж скроняў узнікаюць галавакружэнне і млоснасць, што прыводзіць да мышачнага напружання, адчування дыскамфорту і стрэсу, перадае SHOT.